ಅಮ್ಮ ಎಂಬ ಕರೆ

ಅಮ್ಮ ಎಂಬ ಕರೆ

ಅಮ್ಮ ,ಈ ಕರೆ ಕೇಳೋಕೆ  ಇಷ್ಟು ತಡ ಯಾಕೆ ,
ಎರಡೇ  ಅಕ್ಷರ  ಅಲ್ವಾ ಈ ಪದಕ್ಕೆ ?

ಆದ್ರೂ  ಕೂಸಿನ  ಕನಸುಗಳನ್ನು ತನ್ನ ಒಡಲಲ್ಲಿ  ಹೊತ್ತು ಕಲೆ ಹಾಕೋಕೆ  ಬೇಡವೇ  ಸ್ವಲ್ಪ ಸಮಯ?
ತನ್ನ ಪ್ರೀತಿಯ ಹಂಚಿಕೆಯ ಹೊಸ ಪಾಲುದಾರನ ಭೇಟಿಗೆ  ತಯಾರಾಗಬೇಡವೇ  ಅವಳ ಹೃದಯ ?
ಜನ್ಮ  ಕೊಡೋದಂದ್ರೆ  ಪುನರ್ಜನ್ಮ ಪಡೆದಂತೆ , 
ತಾಯಿಲೋಕದ  ಹೊಸ ಜೀವನಕ್ಕೆ ಸಜ್ಜಾಗಬೇಡವೇ ಅವಳ ಹರೆಯ ,
ಆದ್ರೂ ಅಮ್ಮ, ಇಷ್ಟುತಡ ಯಾಕೆ ?..

ರಂಗಿನ ಕಾಮನ ಬಿಲ್ಲು ಚಿತ್ರಿಸೋಕೆ  ವರುಣ ಕೂಡ ಕಾಯಬೇಕು  12 ಮಾಸ ,
ತನ್ನ ಬದುಕಿನ  ಹರುಷನ  ಚಿತ್ರಿಸೋಕೆ ಅಮ್ಮನಿಗೆ ಬೇಡವೇ 9 ಮಾಸ? ,
ತನ್ನ ಆಸೆಗಳನ್ನೆಲ್ಲ  ಬದಿಗೊತ್ತಿ  ಮಮತೆಯ  ಕಡಲ ಮಡಿಲು  ಮಾಡೋಕೆ ಬೇಡವೇ ಸ್ವಲ್ಪ ಕಾಲ ,
ಎಲ್ಲ  ನೋವಿಗೂ  ನಾ ಸೈ ಎಂದು  ನೆಡಬೇಕಲ್ಲ ಮನಸಿನಲ್ಲಿ  ಛಲ ,
ಆದ್ರೂ ಅಮ್ಮ, ಇಷ್ಟು ತಡಯಾಕೆ?

ಸಾಕು  ಸಾಗರದ  ಸಹನೆ ,
ಒಂದಷ್ಟು ತ್ಯಾಗ ಮನೋಭಾವನೆ, 
ನೋವನ್ನು  ಎದುರಿಸೋ ಛಲ,
ಪುಟಾಣಿ ಕಂದನ ನೋಡೋ ಹಂಬಲ,
ನಿನಗೆ ನೀನೆ ಸಾಟಿ ಬೇರಿಲ್ಲ ...

                         - ಶೀಲಾ

ಸ_ಕಾರ

ಸ ---ಕಾರ 

ಹೇ "ಸ"_ಕಾರ ..  ನೀ ಬಲು ಸಾಹುಕಾರ ... 

ಸ-ಜ್ಜನರ ಸಾಧು ನೀನೇ ,

ಸಂ-ತೆಯಲಿ ಸದ್ದು ನೀನೆ ,

 ಸಂ-ಸಾರದ ಸರಸ ನಿನದೇ ,

ಸಂ-ತಾಪದ ಸೂರು ನಿನದೇ . 

ಸಂ-ಭ್ರಮಕೆ ನೀನೇ ಸಡಗರ ,

ಸಂ-ಕೋಚಕೆ ನಿನದೇ ಮುಜುಗರ ,

ಸ-ತ್ಕಾರದಿ ನಿನದೆ ಅಬ್ಬರ ,

ನೀ ನಿಜಕೂ ಬಲು ಸುಕುಮಾರ. 

ಸ-ರಿ-ಗ -ಮ -ಕೆ ನೀನೇ  ಸಾರಥಿ ,

ಸಂ-ಗಾತಿಗೆ ನೀನೇ ಸಾಥಿ ,

ಸ-ಮರದಲೂ  ನಿನದೇ ಸಂಚು ,

ಸಂ-ಶಯದಲು ನಿನದೆ ಕಿಚ್ಚು ,

ಸಂ-ಕೋಲೆಗೆ ನಿನೇ ಬಂಧಿ ,

ಸ-ಲಹೆಯಲಿ ನೀನೇ ಹಾದಿ ,

ಸ-ರ್ಕಾರಕು ನಿನದೆ ಸಹಕಾರ ,

ಸ-ಕ್ಕರೆಗೂ ನೀನೇ ರುಚಿಕರ 

ಸ-ಲ್ಲಾಪದಿ ತುಂಟ ನೀನೇ ,

ಸಂ-ಧಾನದಿ ರಾಜಿ ನೀನೇ ,

ಸಮಾಜಕ್ಕೆ ಮಾದರಿ ನೀ ಸ -ಜ್ಜನ ,

ಈ ಸಾಹುಕಾರನ ಆಸ್ತಿ ಒಳ್ಳೆತನ ,

       -       ಶೀಲಾ 

ಮೊದಲ ಮಾತು

ಮೊದಲ  ಮಾತು ....

ಹೇಗೆ ಶುರು ಮಾಡಲಿ  ನನ್ನ ಮಾತು ,
ಮನಸಿನ ನನ್ನ ಮಾತುಗಳನ್ನು ತುಸು ತುಸು
ನಿಮ್ಮೊಂದಿಗೆ ಹಂಚಿಕೊಳ್ಳೋಕೆ ಶುರುವಾತು,
ಎಲ್ಲಿ ಮೊದಲು ಮಾಡಲಿ ಈ ಹರಟೆಯ ಕುರಿತು ..






ಲೇಖನಿ ಹಿಡಿದೆ ..
ಸ್ವಲ್ಪ  ಹಿಂದೆ ತಿರುಗಿ ನೋಡಿದೆ ..
ನಡೆದು ಬಂದ ಹಾದಿಯ ನೆನೆಯುತ್ತಾ ಹುಡುಕಾಡಿದೆ..
ಯಾವ ಹೆಜ್ಜೆ ಗುರುತಲ್ಲಿ ಮೊದಲು ಮಾಡಲಿ ನನ್ನ ಪರಿಚಯ ಪರದೆ ..

ಬರಹದ ದಣಿವಾರಿಸೋಕೆ ಬೇಕಾಯ್ತು ಸ್ವಲ್ಪ ಚಹಾ ..
ಬರೆಯುವ ಹವ್ಯಾಸಕ್ಕೆ ಸಂಗಾತಿಯಂತೆ , ಚಟದ ನೆಪ , ಆಹಾ ..
ದೊರೆಯಿತು ಉತ್ತರ ಇಲ್ಲೇ ,
ಪಿಸುಮಾತಿನ ಮೊದಲ ಮಾತು ,
ಆರಂಭವಾಗಲಿ ಚಹಾ ಮತ್ತು ಲೇಖನಿಯೊಂದಿಗೆ ಕೂತು ...



                          ---ಶೀಲಾ